Këtë të hënë, më 24 tetor 2022, nga ora 18:00, në Bibliotekën Metropolitane të Bukureshtit do të prezantohet vëllimi “Fjalori historik i Shqipërisë” i Robert Elsie, i përkthyer nga Radu-Cosmin Săvulescu. Kjo vepër historike në albanologjinë bashkëkohore, “Fjalori” u botua në Shtëpinë Botuese “Asdreni” të ALAR.
Në aktivitet do të jetë i pranishëm Bogdan-Alin Stoica, përfaqësuesi i pakicës kombëtare shqiptare në Parlamentin Rumun, i cili do të flasë së bashku me përkthyesin dhe Dr. Luan Topciu, koordinator i Qendrës Kulturore të ALAR.
Hyrja për publikun është falas dhe secili pjesëmarrës do të marrë një kopje të veprës pa pagesë.
