Doli nga shtypi botimi i tretë i librit “Shoqata e Shkrimtarëve Shqiptaro-Amerikanë” në dy vëllime të periudhës 2001-2011 dhe 2012-2022, Adriatic Press, New York, 2022.
“Shoqata e Shkrimtarëve Shqiptaro-Amerikanë” përgatitur nga Presidenti i Shoqatës, Adnan Mehmeti, është një libër me vlerë në komunitetin e krijuesve shqiptarë në Amerikë dhe më gjerë. Ky libër është vazhdimi i botimeve që kjo Shoqatë bën prej vitesh për të bërë të njohur krijimtarinë letrare të anëtarëve të kësaj Shoqate.
Në mes të tjerash në të do të lexoni shkrime nga: Dr. Gjekë Marinaj, Visar Zhiti, Naum Prifti, Ramiz Gjini, Dalan Luzaj, Raimonda Moisiu, Mëhill Velaj, Dr.Sami Repishti, Beqir Sina, Brent Flynn, Merita Bajraktari McCormack, Albana Melyshi Lifschin, Dalip Greca, Pierre-Pandeli Simsia, Këze (Kozeta) Zylo, Ardian Murraj, Eduard M. Dilo, Eleonora K. Gjoka, Shpresa Vranari, Vlashi Fili, Vasil Filipi, Fation Pajo, Kostaq Duka, Justin Stock, Dr. Fatmir Terziu, Anton Çefa, Dr. Besim Muhadri, Rozi Theohari, Dr.Yllka Filipi, Dr. Arjeta Ferlushkaj, Fuat Memeli, Sokol Paja, Namik Selmani, Përparim Hysi, Kozeta Zavalani, Shefqet Dibrani, Carrie Hooper, Adnan Mehmeti, etj.
Lexoni vlerësimet për Shoqatën e Shkrimtarëve nga kandidatët për Çmimin “Nobël” për letërsi siç janë Ismail Kadare dhe Frederick Turner. Mes tyre janë dhe emra të njohur të letërsisë Constance Rooke, shkrimtare dhe kritike letrare nga Kanadaja, profesor Peter Prifti, profesor Sami Repishti, etj.
Dy vëllimet kanë nga 335 faqe secila dhe janë të shoqëruar me shumë fotografi me ngjyra. Libri është botuar me një cilësi teknike të lartë bashkëkohore. Librin mund ta porosisni nga Shtëpia Botuese “Adriatic Press”.
