Dhoma e Biznesit të Diasporës, në bashkëpunim me Unionin e Sipërmarrësve të Rinj organizon për të tretin vit aktivitetin e çmimeve “Bright Minds Albanian Worldwide Awards on Entrepreneurship 2022”. Aktiviteti synon të promovojë vlerësimin e përbashkët të sferës së sipërmarrjes shqiptare për arritjet më të suksesshme gjatë një viti risitë dhe idetë novatore në biznes, investimet e guximshme, efikasitetin e përshtatjes, shtrirjet në tregjet ndërkombëtare, aplikimin e teknologjisë së informacionit, ngritjen e standardeve e shumë arritje të tjera dhe jo vetëm.
Për ceremoninë e këtij viti e cila është parashikuar të mbahet më 18 dhjetor 2022 dhe detaje të tjera mbi çmimet tregon më shumë për Diaspora Shqiptare zj. Znj.Elisabeta Katiaj, nën kryetare e Dhomës së Biznesit të Diasporës Shqiptare.
Znj. Katiaj për herë të tretë organizoni konkursin “Bright Minds Albanian Worldwide Awards on Entrepreneurship 2022”. Cilat janë risitë e këtij viti?
“Bright Minds Award” tashmë po bëhet traditë dhe ka fituar edhe besim në metodologjinë e vlerësimit dhe të nominimeve. Nga kërkimet kemi zbuluar sipërmarrje mikro të cilat kanë një vlerë shumë të veçantë në treg për produktin që ofrojnë dhe impaktin e tyre në përgjithësi.
Këtë vit vijmë me një shtrirje më të gjerë bashkëpunimi ndërinstitucional, me rrjet shumë më të gjerë sipërmarrësish në Diasporë, me një rrjet koordinatorësh nëpër shtete dhe me një emër më të konsoliduar të vetë eventit.
Ndërkohë që këtë vit kemi shpallur edhe dy thirrje për idenë më të mirë të biznesit: për gruan me aftësi ndryshe dhe për idenë më të mirë të biznesit nga studentët. Për të dy fituesit do të ketë fushatë mbledhje fondesh, mentorim, asistencë, promovim dhe partneritet me qellim zhvillimin e investimit dhe suportin menaxherial në fazën e start-up-it.
Për herë të parë do të ofrohet mbështetje për dy kategori vulnerabël si gratë me aftësi ndryshe dhe studentët. Mund të na tregoni diçka më shumë?
Një aplikim shumë i thjeshtë për ide biznesi që realizimi i tyre lidhet dhe me aftësitë e tyre profesionale por edhe me mundësitë e tyre në kapitale të pashfrytëzuara apo të shfrytëzuara pjesërisht. Ka të rinj plot ide inovative, plot guxim dhe iniciativë por mbi të gjitha shumë punëtor, të cilët meritojnë mbështetje.
Njëkohësisht për një periudhë deri në realizim të financimit të kërkuar për realizim të sipërmarrjes që shpallet fituese, dhoma do të hap proces foundraising ku fton të gjithë Diasporën të kontribuojë sipas mundësisë së tyre. Nxitja e filantropisë në Diasporë nga Shqiptarët për Shqiptarët si dhe njëkohësisht e partneritetit janë dy qëllime të kësaj risie.
Sa kategori çmimesh do të ketë ky edicion dhe cilat janë?
Ky edicion i përmbahet vitit te ekonomisë digjitale, sfidave të biznesit në krizat e njëpasnjëshme dhe alternativat/inovacionit që solli sipërmarrja për menaxhimin e krizës.
- Bright Mind Albanian Worldwide
- Bright Mind Albanian Worldwide on Entrepreneurship
- Bright Mind Albanian Worldwide Young Entrepreneur
- Bright Mind Albanian Worldwide Best Diaspora Investment
- Bright Mind Albanian Worldwide Best Brand Development
- Bright Mind Albanian Worldwide Agri Business
- Bright Mind Albanian Worldwide Best Innovative Entrepreneur
- Bright Mind Albanian Worldwide Travel and Tourism Entrepreneur Award
- Bright Mind Albanian Worldwide in Green Business Entrepreneurship
- Bright Mind Albanian Digital Entrepreneur Award
- Bright Mind Student Entrepreneur Award
- Bright Mind Albanian Worldwide Scientific Award
- Bright Mind Albanian Worldwide Philanthropy Award
- Bright Mind Albanian Worldwide Journalist
- Bright Mind Albanian Worldwide Media
Për të nominuar një individ ose biznes kliko këtu:
https://docs.google.com/forms/d/1FDYNbiCFiTYg2iMYNLH_yhcf-peBRFeXjIsjUvgsFWc/viewform?edit_requested=true#settings
Sa të rëndësishëm janë konkurse të këtij formati për nxitjen e sipërmarrjes, sidomos te të rinjtë?
Këto konkurse, jo vetëm janë të rëndësishme për promovimin e vetë sipërmarrësve të nominuar, por nxisin mendimin sipërmarrës tek të rinjtë, rrisin shpresën duke u njohur me mundësi reale në treg, rrisin besimin e tyre tek vetja duke u vlerësuar nga më të mëdhenjtë dhe patjetër që përfshirja në evente të tilla i bën të njohur edhe për donatorët, për aktore të shumtë ku aksesi bëhet i mundur për ta.
Cilat mendoni se do të jenë sfidat e këtij edicioni të tretë?
Sfidat janë përfshirja sa më e gjerë e të nominuarve dhe përfshijë e sa më shumë sipërmarrjeve të reja inovative digjitale.
Dhe në fund një mesazh të rinjve për tu bërë pjesë e këtij konkursi?
Të rinjtë shqiptarë i karakterizon guximi, të përpiqen vetëm të godasin me idenë dhe të marrin pjesë, pasi janë në rrjetin e duhur të sipërmarrjes që zhvillon me patriotizëm ekonomik, me dashuri për Shqipërinë dhe me respekt për të rinjtë!
Gazeta Diaspora Shqiptare në ditët në vijim do të publikojë procedurat e plota për nominimet e konkursit “Bright Mind Award”.
