“Tetori rozë” me ketë moto u realizua në Patër më 16 tetor 2022, takimi midis Komunitetit Shqiptar Patra dhe të Lidhjes së Gruas Greqi (Σύνδεσμος Αλβανίδων Γυναικών στην Ελλάδα).

Bashkëpunimi dhe miqësia ka qenë dhe do mbetet gjithmonë prioritet brenda Komunitetit Shqiptar Greqi.

Qëllimi i këtij organizimi ishte argëtimi i anëtarëve të komunitetit si dhe sensibilizimi për parandalimin dhe luftën kundër sëmundjes së kancerit të gjirit.

“Grupi i Patrës priti miqtë nga Athina dhe të gjithë bashkë vizituam kalanë e Patrës. Aty te maja e kalasë, aty në lartësi ku të mbushet syri me ambientin përreth, rreth një rrethi të madh folëm për historinë e Patrës dhe të kalasë. Gjithashtu, në emër të Komunitetit Shqiptar Patra ju uroi mirëseardhjen të gjithëve znj. K. Jotopulli.  Në emër të Lidhjes së Gruas Greqi, përshëndeti të pranishmit znj. A. Gjika” thuhet në njoftim.

Më pas aktivitetet përfshinë vizitë në kishën e Shën Andreut si dhe një takim informues në Trion Navarhon me gjinekologen K. Lisi e cila foli gjerësisht rreth temës për të cilën e mblodhëm dhe dha një informacion të plotë si dhe iu përgjigj pyetjeve të të pranishmëve.

Kryesia Komuniteti Shqiptar Patra