Një projekt interesant i mbështetur nga shoqata “Iliria” në Saint Luis për të bashkuar fëmijët e komunitet shqiptar. Një ngjarja sportive e cila jo vetëm do ti afrojë por në të ardhme mund të shërbejë edhe si burim për nxjerrjen e talenteve.
“Sezoni do të vazhdojë deri në fillim të dhjetorit ndaj u bëjmë thirrje prindërve të sjellin fëmijët e tyre e t’i regjistrojnë” shkruhet në njoftimin e shoqatës.
Projekti synon krijimin e ekipeve stërvitore për mosha të ndryshme.
“Vitin që vjen ekipi i qytetit ku banojmë Saint Louis City SC fillon sezonin në ligën profesioniste amerikane MLS. Kemi Marrë edhe mbështetje nga prindërit por edhe dashamirës të sportit që po bëjnë financime” tregon për Diaspora Shqiptare kryetari i shoqatës Besian Gjika.
Synimi është që të krijohen disa ekipe sipas moshave të ndryshme. E veçanta e këtij projekti janë emrat e ekipeve të cilat do të mbartin me krenari emra të fiseve ilire. Ekipi i grupmoshës 6-8 vjeç do quhen Dardanët, 8-10 Ardianët, 10-12 Taulantët. Fëmijet do të jenë nën drejtimin e trajnerëve të futbollit, Albano Dede, Lamçe Murati dhe Afet Fejza.
Premisat janë të mira. Edhe këtë vit shoqata “Iliria” ka nisur vitin e ri shkollor për mësimin e gjuhës shqipe ku aktualisht janë regjistruar 40 nxënës.
