Ambasada e Shqipërisë në Athinë në bashëkpunim me Klubin Shqiptar të Futbollit “Apollonia F.C” në Athinë, do të organizojnë kampionatin e futbollit “Kupa e Pavarësisë”. Ku aktivitet organziohet në kuadër të 110 vjetorit të Pavarësisë.

Organizatorët ftojnë të gjithë futbollistët shqiptarë në Greqi, si dhe të gjithë amatorët e futbollit që dëshirojnë të bëhen pjesë e kësaj feste sportive, të shprehin interesin e tyre në adresën e-mailit: 𝐞𝐜𝐜𝐨𝐦𝐨𝐟𝐟𝐢𝐜𝐞.𝐚𝐭𝐡𝐞𝐧𝐬@𝐦𝐟𝐚.𝐠𝐨𝐯.𝐚𝐥 duke deklaruar një numër kontakti. Afati i dërgimit të kërkesave për pjesëmarrje: Deri më 10 nëntor 2022.

“Kupa e Pavarësisë” e cila do të nisë këtë vit rrugëtimin për t’u kthyer në një traditë të bukur të përvitshme sportive, do të finalizohet me kurorëzimin e skuadrës fituese dhe golashënuesve më të mirë.