Mitrush Kuteli, një letër e panjohur për Aleks Budën

E martë, 17 Nëntor, 2026
E martë, 17 Nëntor, 2026

Mitrush Kuteli, një letër e panjohur për Aleks Budën

Libra nuk kanë qenë kurrë konsum masiv. Shumë autorë madje kanë ikur nga kjo jetë pa ju njohur kurrë gjenialiteti në të gjallë. Të ardhura të mira nga krijimtaria as që bëhet fjalë. Të tilla shqetësime ndan edhe Mitrush Kuteli në një letër dërguar Aleks Budës në vitin 1944 të cilin Akademia e Shkencave e ka publikuar ditën e sotme

4 Janar 1944
Tiranë.
I dashur Leks,
Letrën t’ënde të 23 Dhjetorit e mora sot dhe të falem nderit për urimet që më dërgon. Me gjith se me vonesë të dërgoj edhe unë, ty edhe Zonjës, urime të përzemërta për një vit më të këthjelltë.
Nuk munda të vi në Elbasan nga shkaku i rethanave, dhe, përveç rethanave, nga se një kohë të gjatë kam qënë i robëruar prej punës në lidhje me disa tratativa prozaike shqiptaro-gjermane për një konventë ekonomike.
Librat e mija dual. Në kondita teknike të tmerrëshme, po dual. Po të dërgoj librën e rrëfimeve. Librën e vjershave të Nolit pakëz më von, se nuk është lidhur. Po të dërgoj njëkohësisht edhe 35 copë “Ago Jakupi” edhe 50 “Fshat im e pi rakinë” për t’ia dorëzuar – për llogarinë t’ime Sulejman Kuranit. Të hollat eventuale të shitjes (hej, Shqipëri, hej!) merri ti edhe vështrojmë pastaj.
Kam frikë se edhe kësaj radhe do mbyll hesapet me humbje. Po të jetë se tregu i Elbasanit ka mundësi më të mëdha, unë këtu jam.
Me që ti pate filluar përkëthimin gjermanisht të disa “Neteve” shëko mos gjesh gjësend për plotësime këtu. Dhe veç kësaj, mendoju në se editori gjerman munt t’i japë gjësend autorit shqipëtar shtëpi-djegur. Ti vetë m’a di gjendjen…
E këndove “Poemin kosovar” edhe “Letrën e Shëndaumit”? Janë të shkuara nëpër shpirt.
Jep-më mendimet e tua mbi rrëfimet, haptazi, si shok.
Kam nënë shtyp:
1. Shënime letrare
2. Nete Shqipëtare (bot. i II të)
Kam gati për shtyp:
1. Këngë e brithma nga qytet’ i djegur (Folklor i mbledhur në Pogradec)
Në pregatitje:
1. Një vëllim rrëfenjash e rrëfimesh (i mbaruar afron 50%)
2. Një edicion të veprës së Migjenit (vjersha e prozë)
Nëpër ret’ e kokës:
1. Çajupin
2. Një vëllim me … vjersha (Poem kosovar, Shëndaumi e disa të tjera inedite)
Ah, sikur të kishim një shtypshkronjë!
Mos më harro me përkëthimet gjermanishte (në se vlejnë) se më ndihmon.
Të shtrëngoj dorën, miqësisht, ty edhe Zonjës.
Yti
Dh. P. Pasko

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Libra nuk kanë qenë kurrë konsum masiv. Shumë autorë madje kanë ikur nga kjo jetë pa ju njohur kurrë gjenialiteti në të gjallë. Të ardhura të mira nga krijimtaria as që bëhet fjalë. Të tilla shqetësime ndan edhe Mitrush Kuteli në një letër dërguar Aleks Budës në vitin 1944 të cilin Akademia e Shkencave e ka publikuar ditën e sotme

4 Janar 1944
Tiranë.
I dashur Leks,
Letrën t’ënde të 23 Dhjetorit e mora sot dhe të falem nderit për urimet që më dërgon. Me gjith se me vonesë të dërgoj edhe unë, ty edhe Zonjës, urime të përzemërta për një vit më të këthjelltë.
Nuk munda të vi në Elbasan nga shkaku i rethanave, dhe, përveç rethanave, nga se një kohë të gjatë kam qënë i robëruar prej punës në lidhje me disa tratativa prozaike shqiptaro-gjermane për një konventë ekonomike.
Librat e mija dual. Në kondita teknike të tmerrëshme, po dual. Po të dërgoj librën e rrëfimeve. Librën e vjershave të Nolit pakëz më von, se nuk është lidhur. Po të dërgoj njëkohësisht edhe 35 copë “Ago Jakupi” edhe 50 “Fshat im e pi rakinë” për t’ia dorëzuar – për llogarinë t’ime Sulejman Kuranit. Të hollat eventuale të shitjes (hej, Shqipëri, hej!) merri ti edhe vështrojmë pastaj.
Kam frikë se edhe kësaj radhe do mbyll hesapet me humbje. Po të jetë se tregu i Elbasanit ka mundësi më të mëdha, unë këtu jam.
Me që ti pate filluar përkëthimin gjermanisht të disa “Neteve” shëko mos gjesh gjësend për plotësime këtu. Dhe veç kësaj, mendoju në se editori gjerman munt t’i japë gjësend autorit shqipëtar shtëpi-djegur. Ti vetë m’a di gjendjen…
E këndove “Poemin kosovar” edhe “Letrën e Shëndaumit”? Janë të shkuara nëpër shpirt.
Jep-më mendimet e tua mbi rrëfimet, haptazi, si shok.
Kam nënë shtyp:
1. Shënime letrare
2. Nete Shqipëtare (bot. i II të)
Kam gati për shtyp:
1. Këngë e brithma nga qytet’ i djegur (Folklor i mbledhur në Pogradec)
Në pregatitje:
1. Një vëllim rrëfenjash e rrëfimesh (i mbaruar afron 50%)
2. Një edicion të veprës së Migjenit (vjersha e prozë)
Nëpër ret’ e kokës:
1. Çajupin
2. Një vëllim me … vjersha (Poem kosovar, Shëndaumi e disa të tjera inedite)
Ah, sikur të kishim një shtypshkronjë!
Mos më harro me përkëthimet gjermanishte (në se vlejnë) se më ndihmon.
Të shtrëngoj dorën, miqësisht, ty edhe Zonjës.
Yti
Dh. P. Pasko