Andrea Rama, Koreografi Shqiptar me banim në Greqi dhe në Gjermani, dhe bashkëthemeluesi i kompanisë së kërcimit bashkëkohor ”Porson’s Khashoggi” ka përfaqësuar Gjermaninë në “International Tanzmesse NRË-Dyseldorf” si pjesë e “Dance Update Germany” përmes një përzgjedhjeje të shkurtër koreografësh me bazë në Gjermani.

Gjatë katër ditëve të kësaj feste artistike ndërkombëtare, ku dy mijë profesionistë nga mbarë bota morën pjesë, Andrea Rama mundi të prezantojë vizionin e tij artistik para disa drejtorëve të teatrove ndërkombëtarë, drejtoreve të institucioneve të kërcimit bashkëkohor dhe muzeve nga mbarë bota duke ndarë ide ose projekte inovative për të ardhmen.

Përveç kësaj, Andrea mund të fliste më shumë për eksperiencat e tij artistike në Shqipëri, festivalin ndërkombëtar që drejton prej tre vitesh dhe potencialin e pakufizuar artistik që Shqipëria mund të ofrojë përmes një game të gjerë artistësh në muzikë, teatër, koreografi/kërcim, shkrimtarë, kinematografi, fotografi etj pa fund.