Prej pak ditësh ka parë dritën e botimit revista më e re shqiptare G&G. Një rrugëtim i nisur fillimisht në botën digjitale, në platformën Facebook ku shkrimtarë, gjuhëtarë, përkthyes, poetë dhe studiues, bashkarisht ndanin dhe promovonin materiale për gjuhën dhe letërsinë shqipe, poezi dhe prozë nga letërsia bashkëkohore, tradita, e po ashtu autorët ma të zgjedhur të letërsisë botërore.
Me kalimin e kohës mori trajtën e një reviste mirëfilli dhe tashmë është në duart e lexuesit.
“Pas nji viti komunikim virtual dhe promovim, rrjeti i bashkëpunëtorëve u rrit dhe u poqën kushtet e botimit në letër, të revistës letrare G&G, si nji revistë periodike, çdo 3 muaj, me qendër në Shkodër. Në Gofundme, lexuesit dhe mbështetësit, dhuruen nji shumë modeste, gja e cila krijoi nji atmosferë të kandshme, solidariteti” tregon drejtori dhe kryeredaktori i saj Albri Brahusha
Në Shkodër, me 29 shtator 2022, doli edhe numri i parë i Revistës Letrare G&G, me koleksionin ma të mirë të letërsisë shqipe, botërore, mendimit kritik dhe traditës, në gegnisht e toskërisht.
Revista letrare G&G, synon të jetë prijësja ma e saktë e kulturës shqiptare, për lexuesit në trojet etnike dhe diasporë, duke ndihmuar kështu, në përmirësimin dhe rritjen e cilësisë së jetës së çdo shqiptari, e duke krijuar kohezionin e duhur gjuhësor e shpirtëror mes shqiptarëve.
Aktualisht, revista letrare G&G, qysh në numrin e parë, ka arritur të përhapet shpejt, në Shqipëri e Kosovë, Mal të Zi e Maqedoni të Veriut. Po ashtu, ajo asht e pranishme edhe në disa shtete europiane si Greqi, Itali, Austri, Gjermani, Francë, Britaninë e Madhe dhe SHBA.
Kush janë bashkëpunëtorët e G&G
Drejtor dhe kryeredaktor
Albri Brahusha
Lektorë
Ridvan Dibra – Shkodër
Migjen Kelmendi – Prishtinë
Arbër Zaimi – Tiranë
Redaktorë
Ardiana Salihu – Grac
Ervin Lani – Shkodër
Sarah Isufi – Kavajë
Arti Lushi – Tiranë
Anila Xhekaliu – Tiranë
Jasmina Kotrri – Athinë
Imer Topanica – Prishtinë
Luljeta Dano – Tiranë
Peter Logoreci – Vjenë
Nikas Kaça – Ulqin
Nurie Emrullai – Kërçovë
Nuredin Nazarko – Korçë