Pas bashkëpunimit me IWC (International Women’s Club) në Panairin shqiptar të ushqimit më 26 gusht 2022, Shoqata Teuta vjen tashmë një tjetër bashkëpunim, sërish në fushën e traditave.

Bëhet fjalë për FASHION SHOW 2022, një aktivitet ndërkombëtar i përvitshëm që menaxhohet nga IWC dhe kori diplomatik i Stockholmit.

Në këtë spektakël mode, veç të tjerash prezantohen edhe veshje tradicionale nga vende të ndryshme të botës. E ftuara speciale e këtij spektakli këtë vit është shoqata kulturore shqiptare TEUTA në Stockholm. Zonjat që marrin pjesë në grupin “Miqtë e valles shqiptare” do të jenë pjesëmarrëse në këtë aktivitet, duke  prezantuar me veshje dhe një kërcim tradicional.

Annalisa Spinelli, zv/Presidente e IWC thotë se në këtë spektakël ku marrin pjesë ambasadorë, janë ftuar edhe ambasadorët e dy vendeve tona, Shqipërisë dhe Kosovës.

Aktiviteti do të mbahet mesditën e 11 tetorit në Operaterrasen në Stockholm. Kjo është hera e parë që një grup zonjash shqiptare ftohen të prezantojnë traditat e veshjeve tona popullore në një aktivitet të tillë me përmasa ndërkombëtare!