Ambasada shqiptare në Greqi njofton se janë gati dokumentat biometrike për aplikimet e kryera deri në datën 23 shtator 2022.
Për tërheqjen e dokumenteve biometrikë, mund të paraqiteni pranë sporteleve të Zyrës Konsullore nga e hëna deri të enjten, nga ora 09:00 deri në orën 14:30, të premten 09:00-14:00.
Ambasada sqaron se janë postuar të gjitha dokumentet për aplikimet e kryera deri në datën 23 shtator 2022, për të cilat pranë Zyrës Konsullore është dorëzuar deklarata përkatëse.
Gjithashtu njofton se të gjitha kartat ID të tërhequra me postë janë të pa aktivizuara elektronikisht, për rrjedhojë ato nuk mund të përdoren në shërbimin bankar në Shqipëri.
Ambasada bën me dije se tërheqja e dokumentave biometrike është e mundur pas kalimit të një afati 3-javor nga dita e aplikimit.
𝗠𝗲̈𝗻𝘆𝗿𝗮𝘁 𝗲 𝘁𝗲̈𝗿𝗵𝗲𝗾𝗷𝗲𝘀 𝘀𝗲̈ 𝗱𝗼𝗸𝘂𝗺𝗲𝗻𝘁𝗲𝘃𝗲 𝗷𝗮𝗻𝗲̈:
- Me paraqitjen fizike të personit në sportelet e shpërndarjes pranë Zyrës Konsullore;
- Me anë të shërbimit postar, bazuar në deklaratën e plotësuar dhe nënshkruar nga shtetasi ditën e aplikimit;
- Me deklaratë/ autorizim lëshuar në emër të një personi të tretë (nga KEP/ Taxisnet);
Aplikantët mbi 16-vjeç duhet të paraqiten personalisht për tërheqjen e dokumentave biometrike.
Tërheqja e dokumentave biometrike për aplikantët nën 16 vjeç, kryhet nga njëri prej prindërve (kur janë të martuar) ose nga prindi/kujdestari që ka në ngarkim kujdestarinë e fëmijës me vendim gjykate. Paraqitja e certifikatës familjare për vërtetimin e këtij fakti është fakultative, në varësi të mundësisë.
