Kanë kaluar vetëm disa orë nga çelja zyrtare e panairit “Salone del Gusto 2022” i cili mbahet në Torino.
Të pranishëm, mbi 600 ekspozues dhe prodhues nga rajonet italiane; 3 mijë delegatë të rrjetit Terra Madre nga 130 vende të botës.
Sipas traditës, panairi do të ofrojë ushqim të mirë ndërkombëtar, kënaqësinë e të ngrënit të mirëfilltë dhe sa e rëndësishme është kjo temë për shëndetin!
Për të “çelur festimet” këtë vit ishte zgjedhur një nga shefat më të vlerësuar në botë, po flasim për Altin Prengën përfaqësuesin e vendit tonë dhe pronarin e agroturizmit “ Mrizi i Zanave”
Në prani të themeluesit të Sloë Food International Carlo Petrini, kryetarit të bashkisë Stefano Lo Russo, kryetarit të bashkisë së Torinos, presidentit Alberto Cirio dhe autoriteteve të tjera prestigjioze, u kremtua edhe ceremonia e hapjes.
Mrizi i Zanave Agroturizëm, për ata që nuk e njohin, është një fermë e njohur shqiptare me pesë yje, e themeluar nga shefi i kuzhinës Altin Prenga, së bashku me vëllain e tij Anton. Shumica e përbërësve në menu, duke përfshirë djathërat, reçelrat dhe verën prodhohen nga burimet e tyre. Kjo pasi tradita bujqësore dhe rurale e së shkuarës vazhdon të jetë “zemra lëvizëse” e biznesit, jo vetëm për themeluesit, por edhe për punonjësit dhe familjet e shumta që rrethojnë këtë realitet të mrekullueshëm.
Këto dhe shumë histori dhe tradita të tjera ndërkombëtare që ju presin në Salone del Gusto.
