Remitancat nga Diaspora në Kosovë kanë pasur një trend rritjeje në 10 vitet e fundit. Gjithashtu edhe  pandemia dhe inflacioni janë faktorë që mund të ndikojnë në shumat dhe mënyrat e dërgesave të parave. Për këtë, Organizata GERMIN, e mbështetur nga UNDP, ka nisur një hulumtim për të vlerësuar ndikimin potencial të krizave të kohëve të fundit në remitancat nga Diaspora në Kosovë. Pyetësori u drejtohet dërguesve nga Diaspora dhe pranuesve të remitancave në Kosovë.

Ky pyetësor është pjesë e projektit “Remitancat nga Diaspora në Kosovë“ i implementuar nga Organizata GERMIN dhe i mbështetur nga (UNDP). Përmes këtij pyetësori, synohet të vlerësohet ndikimi i mundshëm i konfliktit në Ukrainë dhe rritja e normave të inflacionit në flukset e remitancave në Kosovë. Ky vlerësim do të realizohet përmes anketave dhe intervistave me dërguesit dhe pranuesit e remitancave nga Diaspora në Kosovë, për të kuptuar se si situata aktuale ekonomike globale mund të ndikojë në remitancat dhe rrjedhimisht në çfarë mënyrash kjo mund të ndikojë tek familjet kosovare.

Pyetësori do të mbledhë informacion mbi modelet dhe metodat e transferimit të parave, shpeshtësinë, sfidat dhe ndryshimet e mundshme në frekuencën e dërgesave te dërguara në familjet kosovare me qëllim të analizimit të ndikimit ndërmjet remitancave dhe treguesve ekonomikë.

Pyetësori është i hapur deri më 30 shtator 2022.

Linkun e pyetësorit e gjeni në shqip dhe anglisht KETU