Kongresi i Arsimit, i pari i këtij lloji deri më tani, u mbyll. Nuk solli vendime konkrete. Gjatë tij ministrja Evis Kushi zgjodhi të pyesë për nismat që do të duhen për mbrojtjen e shqipes.
Gjuhëtarët kërkojnë nisma serioze për mbrojtjen e gjuhës, për të mos patur fundin e projektligjit të shqipes, që sipas profesor Rami Memushajt, është harruar në sirtaret e Kuvendit.
Dekadën e fundit, gjuhëtarët kanë ngritur alarmin për keqpërdorimin e gjuhës shqipe, duke propozuar rishikimin e teksteve, ndarjen e gjuhës nga letërsia dhe shtrirjen e saj edhe në arsimin e lartë.
