Profesionistë dhe sipërmarrës në Diasporë kanë zhvilluar ditën e sotme një vizitë në ambientet e Agjencisë Kombëtare të Diasporës.
Pjesë e projektit “Startup Diaspora” këta të rinj u njohën me punën dhe nismat e Agjencisë Kombëtare të Diasporës për angazhimin e profesionisteve shqiptarë nga Diaspora në vendlindje.
Gjatë këtij takimi me drejtoreshën ekzekutive znj. Sonila Hysi u diskutua për projekte të përbashkëta në interes të përfshirjes dhe kontributit të tyre në vendlindje.
Projekti “Startup Diaspora” ka për qëllim zgjerimin e urave të komunikimit dhe zhvillimin e programeve të përbashkëta.
Agjencia si institucion përgjegjës për Diasporën do të jetë pjesë e programeve të tilla që fuqizojnë edhe më shumë marrëdhëniet mes Diasporës dhe vendit të origjinës.