Roen Naska i cili sapo ka filluar programin e tij të studimeve universitare në Universitetin e St. Thomas në Minesota është edhe pjesëmarrësi shqiptar në Global UGRAD. Lajmin e ka bërë të ditur Ambasada Amerikane në Shqipëri e cila nëpërmjet një postimi në facebook ka njoftuar se Roeni mori pjesë në ceremoninë e hapjes së vitit të ri akademik në universitet duke mbajtur flamurin shqiptar i ndjekur nga studentë të tjerë ndërkombëtarë, gjithashtu pjesë e programit UGRAD.

Global UGRAD është një Programi Global i Shkëmbimit universitar i cili i ofron bursë për një semestër të studimit akademik pa diplomë në një kolegj ose universitet të SHBA. Global UGRAD është një program i Byrosë së Çështjeve Arsimore dhe Kulturore të Departamentit të Shtetit të Shteteve të Bashkuara dhe synon të rekrutojë pjesëmarrës nga prejardhje të nënpërfaqësuara që nuk kanë pasur mundësi të tjera për të studiuar në Shtetet e Bashkuara. Aplikantët e suksesshëm mund të presin një ekspozim të thellë ndaj shoqërisë, kulturës dhe institucioneve akademike amerikane, si dhe mundësi për të rritur aftësitë e tyre profesionale. Programi është shumë konkurrues dhe i bazuar në merita. Finalistët zgjidhen bazuar në përsosmërinë akademike, potencialin e lidershipit dhe gatishmërinë e tyre për studime në Shtetet e Bashkuara.