Autori shqiptar në Itali, Klaudio Findiku është nderuar me titullin “Kavalier i Urdhrit të Dante Alghierit”. Ky titull i akordohet nga Republika e Poetëve e themeluar nga Enciklopedia Poetike, Wikipoesia. Republika e Poetëve, një projekt kulturor, një komb i vogël i krijuar sipas karakteristikave të autonomisë dhe të pavarësisë krahasuar me shtete, ente apo organizata të tjera në mënyrë më poetike i përket realitetit të hapësirës digjitale dhe të Mendimit njerëzor. Ajo synon të kremtojë krijimtarinë njerëzore, të vlerësojë poezinë dhe poetët si dhe të njohë poezinë si shprehje të njerëzimit.

Urdhri i Dante Alighierit është krijuar për të promovuar përhapjen e poezisë italiane në botë dhe në veçanti gjenialitetin e Dante Alighierit. Promovuesi i iniciativës është Renato Ongania (ish-themeluesi i Enciklopedisë poetike).

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.