Këtë fund gusht është zhvilluar për herë të parë në Shqipëri një festival ndryshe. I Konceptuar dhe realizuar nga artistja shqiptare me banim në Greqi Beskida Kraja “Land & Sand Art Festival” u mbajt në plazhin e Velipojës në datat 24-27 gusht 2022, si një risi për vendin tonë.
Festivalet e skulpturës në rërë dhe “land art” janë evente arti që zhvillohen çdo vit në qytete bregdetare të ndryshme në botë, por në Shqipëri ky aktivitet unik u realizua për herë të parë.
“Ideja ishte që kjo hapësire publike të vinte me anë të një festivali i cili ka një mesazh: Ridimensionimin e hapësirës publike. Unë nuk jam artiste sand art as land art , jam thjesht një artiste që kamë dëshirë të bëj gjëra të mira për vendin tim, Dhe ta vendos Velipojën në hartën botërore të këtyre festivaleve gjigande që zhvillohen anembanë botës” , u shpreh Kraja.
Krijimi i veprave të artit në hapësirat publike merr formën e një festivali outdoor, ku artistë vendas dhe ndërkombëtarë demonstruan live, përgjatë 4 ditëve, këtë proces. Artistët ndërkombëtar pjesëmarrës në këtë Festival Arti zhvillojnë aktivitetin e tyre artistik kudo në botë, dhe kanë eksperienca të shumta në festivale dhe evente të këtij lloji. Organizimi i një eventi të tillë, ka si synim të sjellë vlera artistike, të organizojë veprimtari kreative por dhe të promovojë zhvillimin e turizmit në Velipojë dhe në qarkun Shkodër.
Kush është themeluesja e këtij festivali?
Beskida Kraja, është një artiste vizuale dhe kuratore e pavarur. Studimet e mesme i kreu në qytetin e lindjes në Liceun Artistik ‘Prenk Jakova’, Shkodër. Është diplomuar në Akademinë e Arteve të Bukura të Athinës në degën Pikture Monumentale me titullin Master Shkencor. Ka kryer një vit shkëmbim universitar masteri në Akademinë e Arteve të bukura të Breres në Milano. Është specializuar për Art Terapi dhe Pedagogji Arti për femijët ‘Gifted Child’ në universitetin kombëtar ‘Kapodistrian’ të Athinës. Është anëtare e Unionit Internacional të Artistëve dhe Kuratorëve të Greqisë (AIAP). Kuratore e Çmimit ‘Idromeno’ 2021, i zhvilluar në Galerinë e Arteve, Shkodër. Bashkë-kuratore e ekspozitës ‘Ëeaving the Future’ ku pjesmarrëse ishin 35 artiste greke. Që nga viti 2019 bashkë me tre artiste greke krijon grupin artistik Penelope’s Ëeb. Veprat e tyre me karakter social kanë në fokus të drejtat e grave por jo vetëm. Ka ekspozuar në: Benaki Museum, Athinë; Katsigras Museum, Larisa; Michalis Kakoianis Foundation, Athinë; Dhimitri Mitara Museum, Halkidha; Galeria Kombetare e Kosovës, Prishtinë; Municipal of Athens, Metaksurgio; Miza Gallery, Tirane; COD – Center for Openness and Dialogue, Tiranë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
