Në Kakavijë mëngjesi i sotëm ka sjellë një numër të lartë pushuesish, të cilët duan të hyjnë në Shqipëri.
Në anën e Greqisë janë krijuar radhë të gjata, pasi po punojnë me dy sportele në hyrje dhe dy në dalje.
Ministria e Jashtme deklaroi se në palën greke ka nisur kalimi i përshpejtuar dhe kjo ka lehtësuar radhët që shkuan deri në 4 kilometra këtë të shtunë.
“Ambasada e Republikës së Shqipërisë në Athinë dhe Ambasada e Greqisë në Tiranë janë në kontakt të vazhdueshëm me autoritetet greke, për zgjidhjen sa më të shpejtë të situatës, thuhet në njoftim.
Kërkesa për procedurën teknike u bë nga pala shqiptare ndaj Ministrisë së Brendshme të Greqisë.
Ndërkohë autoritetet greke kanë marrë përsipër edhe shtimin e numrit të sporteleve.
Në pikën doganore ka mbërritur edhe Drejtori i Përgjithshëm i Policisë për qarkut për palën greke.
Aktualisht, situata po shkon drejt normalizimit, deklaron ministria e Punëve të Jashtme.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.