Përfaqësuesja e komunitetit shqiptar në Britani në Këshillin Koordinues të Diasporës, Brikena Muharremi ka zhvilluar ditën e djeshme një takim me Presidenten e Kosovës, Vjosa Osmani. Në fokus të takimit ishte Diaspora dhe kontributi i saj në vendlindje, projektet e përbashkëta dhe mundësitë për një përfshirje dhe angazhim sa me të gjerë të shqiptarëve në Diasporë.
“Ishte nder dhe privilegj të pritem sot në Presidencën e Kosovës nga Presidentja e Kosovës, Dr. Vjosa Osmani. Diskutuam rreth aktualitetit në Kosovë dhe rajon dhe se si diaspora jonë mund të kontribuoj për të mirën e vendlindjes, për paqe dhe për një të ardhme më të mirë për gjeneratat që vijnë. Krenare me presidenten tonë”, shkruan Muharremi në facebook.
Aktualisht qeveria e Kosovës ka përmbyllur nismën “Karvani i Diasporës” kushtuar mërgimtarëve, me mbështetjen e Ministrisë së Kulturës Rinisë dhe Sportit, Ministrisë së Punëve të Jashtme dhe Diasporës dhe Ministrisë se Arsimit, Shkencës, Teknologjisë.
Nisma e cila kishte moto të vetën “Shijo Kosovën”, e cila është edhe një platformë për të diskutuar dhe shkëmbyer ide që afrojnë mërgatën me vendin.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.