Një prej gazetave më të mëdha në Greqi “Ekathimerini” konfirmon rritjen turistëve nga Greqia në Shqipëri përgjatë këtyre 6 muajve  të parë të 2022.

“Pothuajse 200,000 qytetarë grekë vizituan Shqipërinë në gjysmën e parë të këtij viti, duke qenë pjesë e më shumë se 2.5 milionë shtetasve të huaj që vizituan vendin ballkanik në vitin deri në fund të qershorit” thuhet në artikull.

Në një raport të publikuar ditën e hënë Instituti i Statistikave të vendit (INSTAT) shkruan se shifra e përgjithshme e mbërritjeve është 51,3% më e lartë se në të njëjtën periudhë të vitit 2021,

Vetëm në qershor, 876,056 vizitorë të huaj mbërritën në vend, një rritje prej 45% nga viti në vit.

“Rritja më e madhe në bazë vjetore është regjistruar për shtetasit grekë, në masën 410%, pasi 199,943 prej tyre kanë vizituar Shqipërinë në periudhën janar-qershor të këtij viti, sipas raportit, pas kufizimeve të vitit të kaluar për Covid” thuhet më tej në artikull.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.