Më 28 korrik 1922, u vendosën marrëdhëniet diplomatike midis Shqipërisë dhe ShBA-së. Ne telegramin e dërguar nga Sekretari i Shtetit Amerikan konfirmohej njohja e shtetit shqiptar nga SHBA-të si dhe udhëzimet për veprimet e mëtejshme.

Teksti i plotë i telegramit.

“Në datën 28 korrik mund t’i drejtoni Ministrit të Punëve të Jashtme të Shqipërisë njoftimin me shkrim për njohjen de jure të Shqipërisë nga Shtetet e Bashkuara. Në dhënien e kësaj njohjeje, ju mund të deklaroni se Qeveria e Shteteve të Bashkuara ka marrë parasysh mirëmbajtjen me sukses të një Qeverie kombëtare shqiptare. Në pritje të veprimeve legjislative nga Kongresi për të krijuar përfaqësim të rregullt diplomatik, ju do të vazhdoni të veproni si Komisioner i Shteteve të Bashkuara me gradën Ministër. Konfirmoni marrjen dhe konfirmoni veprimet e ndërmarra. Fakti i njohjes do të jepet për botim në gazetat e mëngjesit të datës 28 korrik”.

I pari diplomat i dërguar zyrtarisht nga SHBA në Tiranë dhe i pari që nisi përfaqësimin diplomatik pas vendosjes së marrëdhënieve mes dy shteteve ishte Maxwell Blake (1877-1959).

Në shtator të vitit 1922 në Tiranë u mbajt ceremonia e hapjes së Ambasadës së parë Amerikane.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.