Të dielën që lamë pas në Bad Urach të Baden-Württemberg -ut u mbajt turneu humanitar në futbollin e vogël, ku morën pjesë 22 ekipe konkurruese, të përkrahur nga bashkëkombësit e këtij qyteti. Në këtë eveniment të pranishëm ishin edhe përfaqësuesit diplomatik të konsullatës së Republikës së Kosovës, konsulli Besnik Miftaraj dh Zv.Konsullin Gramoz Berisha, ndërsa mysafir special ishte poeti, publicisti, koordinatorin i shkollës shqipe në Bavari (LAPSH), nënkryetari i Këshillit Koordinues të Arsimtarëve në Diasporë (KKAD) prof. Mustafë Krasniqi. Këtë eveniment e ndoqi, me syrin e kamerës së RTK-së edhe Ahmet Konjusha.
Ky aksion humanitar u shoqërua me vallen e fëmijëve mërgimtarë, të shoqatës “Nënë Tereza” nga Göppingeni dhe për të vazhduar me muzikantin Lul Uskana dhe këngëtarin e mirënjohur të këtij qyeti, Arton Preniqin. Programi u përcoll me duartrokitje të qindra bashkatdhetarëve, të cilët me pranin e tyre kontribuan në aksionin humanitar përmes blerjes së pijeve freskuese dhe ushqimit të përgatitur në skarë. Përpos kontribut dhënësve, të cilët kishin ardhur për të shikuar lojën dhe dëgjuar muzikën, kontribut të veçantë dhanë bisneset: Euro 2009- Bahri Qyqalla;, H. H.M Idrizaj; Elezaj Baudienstleistungen-Bekim Elezaj; GS Dienstleistungen- Valon Sadiku; MN Stuckateur – Xhevat Llumnica; Plankenhorn– Xhafer Aliu; Trimi Market; Arian Zeka; Arton Preniqi; Gazmend Salihu; Mehdi Dervisholli; Valon Sadiku.
Në përfundim të lojës, nga 22 ekipe që ishin pjesëmarrëse në këtë lojë futbolli, tri ekipe nga to zunë tri vendet e para: Vendin e parë e zuri ekipi “Nexhat Llumnica”; Vendin e dytë “Elezi” dhe vendin e tretë ekipi “Llapi”. Kurse për ekipet që treguan lojë të mirë, organizatorët ju dhanë medalione dhe librin e autorit, Mustafë Krasniqi “Atdhetari i shtigjeve të Lirisë-Xhavit Haziri”.
Në fund organizatorët e këtij turniri: Gazmend Salihu, Bahri Qyqalla, Xhevat Llumnica Artan Preniqi i falënderuan mysafirët, bashkëkombësit pjesëmarrësit dhe bizneset, që në shenjë respekti ju ndan mirënjohje për kontributin e tyre. Sipas Këshillit Organizativ në këtë eveniment janë grumbulluar 8703,32 euro dhe këto mjete i transferuar në fondin e Shoqatës “Bamirëse Jetimat e Ballkanit” të udhëhequr nga humanisti Halil Kastrati.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
