Tregu i punës është emëruesi i përbashkët i biznesit dhe arsimit. Nëse universiteti nuk përgatit studentë, punonjës të ardhshëm, për të përmbushur nevojat e treguar, është biznesi ai që do të përballet me mungese profesionistësh.

Për të krijuar hedhur një hap para në përmirësimin e këtij bashkëpunimi biznes-arsim Dhoma e Biznesit të Diasporës shqiptare ka firmosur ditën e sotme një marrëveshje bashkëpunim me universitetin Polis, të cilën rektori i Universitetit Polis z. Besnik Aliaj e cilësoi i si çeljen e një epoke të re.

Objekti i kësaj Marrëveshje është krijimi i marrëdhënieve të bashkëpunimit ndërmjet Universitetit POLIS dhe DHBDSH i cili do të përfshijë:  Organizimin e aktiviteteve nga të dyja palët për promovimin fushave të përbashkëta të interesit.

Sipas marrëveshjes Universiteti POLIS do të asistojë DHBDSH, me kapacitetet e tij akademike dhe profesionale, në organizimin e trajnimeve dhe seminareve profesionalë me qëllim rritjen profesionale dhe certifikimin e profesionistëve të lirë, që janë pjesë e DHBDSH, ose partnerëve të tij. Ndërsa Dhoma

e Biznesit të Diasporës Shqiptare do të asistojë Universitetin POLIS në procesin e mësimdhënies, në Programet Mësimore BBA (Bachelor në Administrim Biznesi) dhe MBA (Master Shkencor në Administrim Biznesi), duke mundësuar që stafi i tij ekzkekutiv, ose i partnerëve të tij, të ofrojë leksione për studentët, për tema specifike, ku profesionalizmi dhe eksperienca e tyre mundëson ekselencë dhe vlerë të shtuar.

Një  nga rezultatet e kësaj marrëveshjeje është edhe organizimi i Panairit të Punësimit si dhe botimi i një Reviste Profesionale (Magazine) mbi iniciativat, problematikat dhe tendencat e zhvillimit të ekonomisë edhe industrisë në Shqipëri.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.