Amerikanët ditën e hënë festuan 246 vjetorin e pavarësisë së vendit të tyre SHBA-së.

Këtë ngjarje madhore amerikane e festuan edhe shumë shqiptarë që gjenden përtej atlantikut.

Një prej tyre është edhe Mergim Lala, nga Ferizaj i Kosovës i cili prej më shumë se tre dekadash jeton në Houston të Texasit.

Ai drejton me sukses një biznes familjar, një ndër piceritë më të frekuentuara në qytetin e Houstonit, “Brother’s Pizza”. Kjo e fundit me rastin e përvjetorit të pavarësisë së SHBA-së ka shpërndarë pica falas për policinë dhe zjarrfikësit.

Lala në një prononcim për Telegrafin ka pohuar se është mirënjohës për vendin ku e ka kaluar gjysmën e jetës.

“Pavarësia e Amerikës është një festë, por edhe një ditë kur shfaqet edhe më tepër solidariteti dhe jemi mirënjohjes ndaj njëri-tjetrit. Me këtë veprim dëshiruam t’i falënderojmë ata që në shumë raste rrezikojnë jetën e tyre për të na mbrojtur neve, policët dhe zjarrfikësit”, tha Lala.

Ai më gjithashtu ka deklaruar se aksione të ngjashme ka pasur edhe në të kaluarën dhe se nuk do të ndalen derisa do të ekzistojë piceria.

Ndërkohë, policia e qarkut ka falënderuar shqiptarin për surprizën që u kishte përgatitur me rastin e ditës së shenjtë për amerikanët.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.