Shoqata  “Nënë Tereza” në Namur,  Belgjikë ka njoftuar se në bashkëpunim me disa anëtarë të komunitetit shqiptar ka bërë të mundur dërgojë falas 50 karroca lëvizëse për persona me aftësi të kufizuara në Mitrovicë, si dhe një ashensor godine i përshtatur për këtë kategori personash. Sipas njoftimit të shoqatës sot donacioni i është dorëzuar komunës së Mitrovicës.

Presidenti i shoqatës  “Nënë Tereza” Z. Adnan Rexhepi tha për Diaspora Shqiptare, se ky donacioni do të pasohet nga të tjerë të cilët do të ndihmojnë njerëzit vulnerabël.

“Jemi të gëzuar t’ju njoftojmë se Shoqata “Nënë Tereza” Namur, së bashku me disa nga bashkatdhetarët tanë me banim në Namur,  dhe Presidentit të saj Z. Adnan Rexhepi, bëri të mundur të dërgojë falas 50 karroca lëvizëse për persona me aftësi të kufizuara në Mitrovicë, si dhe një ashensor godine i përshtatur për këtë kategori personash.

Sot ato i janë dorëzuar Komunës së Mitrovicës për administrim dhe vënie në dispozicion, për shpërdarjen ndaj personave në nevojë.

Me shpresën se ju kemi ndihmuar sado pak në cilësinë e jetës së përditshme të kësaj kategorie bashkatdhetarësh të çmuar e në nevojë, premtojmë se do kontribuojmë ende më shumë në të ardhmen në dobi të komunitetit shqiptar. Prova më e mirë e punës së përbashkët nga komuniteti shqiptar i Provincës së Namurit.  Të bashkuar, jemi më të fort” thuhet në njoftimin e shoqatës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.