Lidhja e Gruas Shqiptare në Greqi (Ένωση Αλβανιδων Γυναικών στην Ελλάδα), festoi ditën e djeshme përfundimin e mësimit të klasave të mësimit të gjuhës shqipe për vitin 2021-2022. Dy klasat e Gjuhës Shqipe janë ngritur me iniciativën e saj, nën kujdesin e mësueses vullnetare Zonjës Jasmina Kotrri.

E pranishme ishte edhe Kryetarja e Lidhjes se Gruas Zonja Mirjana Hasalla, Nenkryetarja Zonja Enilda Ganolli, anëtare e kryesisë së Lidhjes, prindër të fëmijëve, etj.

Programi përmbante recitime nga fëmijët në Gjuhën Shqipe, këngë e valle, certifikata të mbarimit të klasës së parë e të dytë, etj.

Me premtimin e takimit përsëri në shtator për vitin e ri shkollor 2022-2023 falenderojmë nga zemra mësuese Jasmina Kotrri, për kontributin vullnetar në mësimin e gjuhës amtare fëmijëve të emigrantëve Shqiptarë në Greqi.

Nga Mirjana Hasalla

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.