Ka përfunduar në Patra të Greqi Simpoziumi i parë Ndërkombëtar i Skulpturës në Mermer.

Me titullin “Refugjatët 1922- 2022” një homazh në 100 vjetorin e Katastrofës së Smyrna-s, qyteti i sotëm i Izmirit, gjatë të cilës banorët grekë u detyruan të largohen nga qyteti për shkak të një zjarri të qëllimshëm të vendosur nga forcat turke, simpoziumi prezantoi vepra të ndryshme të realizuara nga artistë të Mesdheut. Pjesë e këtij aktivitet ishin edhe dy artistët shqiptarë Besim Caushi dhe Kristaq Valera, të cilët prezantuan veprat e tyre të realizuara në mermer.

“Për të nderuar këtë ngjarje historike që ndikoi në formimin e Greqisë së re institucioni “E gjithë Greqia një Kulturë 2022”, për verën e këtij viti është monotematik. Ne duam të nderojmë veçanërisht komunitetet e refugjatëve, grekët e mërguar, ata që përcollën në atdheun metropolitane pasurinë e traditave të tyre, artet dhe edukimin e tyre, duke formuar një identitet të ri”, është shprehur më herët Ministrja greke e kulturës Lina Mendoni.

Punët e artistëve do të vendosen nga Bashkia në ambientë të ndryshme publike të qytetit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.