Të shtunën më 25 qershor u organizua në Montecatini Terme festivali i parë inter-kulturor “AlbanItaly” ku pati si qëllim njohjen e kulturës, sipërmarrjes, artit e traditave shqiptare në Itali.

I ftuar për të ndarë përvojën e tij të integrimit në Itali ishte edhe krijuesi i aplikacionit “Çaj Mali” Ermir Lushnjari.

“Çaj Mali” është një aplikacion që ndihmon në marrjen e shtetësisë italiane është shembull i mirë i këtyre vlerave.

Aplikacioni i realizuar nga juristi Ermir Lushnjari përdoret nga 16.000 persona në gjithë botën në 180 shtete. Nga Singapori deri në Brazil, nga ShBA deri në Zelandën e Re. Aplikacioni edhe pse është në gjuhën italiane quhet “Çaj Mali” si sinonim i diçkaje të thjeshtë e të dobishme njësoj si përgatitja e çajit.

“Një kuriozitet është i vetmi aplikacion që ofron informacione duke patur një melodi në sfond (Aktualisht vetëm për Android). Melodia që ka zgjedhur Ermiri është shkëputur nga Opera Skënderbeu e Antonio Vivaldi” tha për Diaspora Shqiptare Lushnjari.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.