Në një manifestim të përbashkët, nxënësit e Shkollës Shqipe nga LAPSH-i i Zyrihut dhe nga Shkolla Shqiptare e Vallëzimit “Shota” prezantuan denjësisht kulturën shqiptare. Në manifestimin e mbajtur me 18.6.2022 në Affoltern Am Albis, Kantoni i Zyrihut ishin tubuar shumë njerëz nga nacionalitete të ndryshme. Edhe pse ishte kohë e nxehtë dhe temperaturat e larta, përgjigjja për pjesëmarrje ishte mjaft masive.

Në këto kushte vape, nxënësit shkollës shqipe me veshje kombëtare dhe pionierët e Shkollës së Vallëzimit “Shota”, të themeluar nga Agron Bajrami, u përkujdesën për gjallërimin e manifestimit.

Me valle të mrekullueshme dhe gërshetim të valleve tradicionale nga të gjitha trojet shqiptare, ngritën në këmbë të pranishmit. E gjithë kjo ishte një dëshmi se Agroni ka lënë një thesar të vërtetë kulture pas vetes e ne të gjithë duhet ta përkrahim.

Siç thuhet zakonisht, për të ndodhur diçka, gjithmonë duhet të ketë një iniciator. Në këtë rast kjo ishte veprimtarja e arsimit shqip në këtë regjion, zonja Sahadete Rashiti. Ajo njihet me angazhimin e saj në këtë regjion, sepse ajo, veç tjerash, në çdo takim me përfaqësuesit e arsimit në qytetin Affoltern Am Albis prezanton denjësisht arsimin shqip. Vërtetë ishte ky ishte një manifestim i denjë për respekt, ndaj edhe në këso rastesh nuk mungojnë as duartrokitjet e shpeshta nga të pranishmit, pa varësisht përkatësinë etnikë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.