Me qëllim informimin e investitorëve holandez mbi mundësitë që ofron Ballkani për të bërë biznes, këtë të martë qeveria holandeze organizoi seminarin njëditor me titull “Të bësh biznes në Ballkanin Perëndimor” (Balkan Business Day).

Në këtë aktivitet të organizua në ambientet e ambientet e Agjencisë Holandeze të Ndërmarrjeve (RVO) në Hagë ishte e ftuar edhe Dhoma e Biznesit të Diasporës Shqiptare, e përfaqësuar nga Dr. Mag. Rer. Publ. Elisabeta Katiaj, nënkryetare dhe Prof. Asoc. Soana Jaupllari. Ku u takuan me përfaqësues të Berzh dhe të bizneseve të ndryshme të rajonit. Gjatë këtyre takimeve prezantuan Dhomën e Biznesit të Diasporës Shqiptare, oportunitetet konkrete, mënyrën e funksionimit, shërbimet që ofron, potencialin, antarësimin dhe bashkëpunimin.

Në event ishin të pranishëm përfaqësitë diplomatike të vendeve të Ballkanit Perëndimor në Holandë si dhe përfaqësitë diplomatike holandezë në vendet e rajonit, Banka Europiane për Rindërtim dhe Zhvillim, përfaqësues të Dhomave të Biznesit, përfaqësues të biznesit etj.

Qëllimi i këtij aktiviteti vjetor është informimi i kompanive dhe investitorëve holandezë në lidhje me mundësitë e biznesit në Ballkanin Perëndimor në sektorë të ndryshëm si turizmi, uji, agrobiznesi, tekstilet dhe energjia.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.