Rei Manaj mbylli me sukses një sezon pozitiv në Serie A, ku fitoi respektin e trajnerit dhe shokëve të skuadrës te Specia. Sulmuesi shqiptar bindi me grintën dhe shpirtin e tij lu.ftarak, por duket se cilësitë në fushën e lojës nuk kanë qenë të vetmet që 24-vjeçari ka shpalosur në Itali.

Manaj ka bërë edhe “trajnerin“, duke dhënë këshilla për klubin amator të Piaçencës. Këta të fundit fituan Silver League-n, duke prekur kështu një sukses të veçantë. Presidenti Liota, zëvendës presidenti Lorja dhe drejtori i përgjithshëm Malafronte janë shfaqur të buzëqeshur së bashku me Rei Manajn. “Ai është një mik dhe ne kemi përdorur këshillat e tij të çmuara taktike”, thonë fillimisht për “PiacenzaSera.it” drejtuesit e Akademisë së Futbollit të Piaçencës.

Më tej Zef Lorja në fjalën e tij nuk harron pa falenderuar edhe Rei Manajn, i cili duket se ka dhënë një kontribut të vlefshëm me idetë e tij. “Gjithashtu, një falënderim i përzemërt, nga i gjithë ekipi dhe nga stafi teknik, i shkon Rei Manajt për këshillën dhe për mbështetjen që na jep duke marrë pjesë, në përputhje me angazhimet e tij në punë, gjithmonë me entuziazëm në komoditetin tonë. Tani presim ardhjet të enjten e 23 qershorit, kur në orën 19:30, në Pub Nessie në Strada Montecucco, do të na jepet Kupa e Silver League”, ka thënë Zef Lorja./Halit Delibashi-Sport Ekspres/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.