Ka nisur ditën e djeshme në Pula të Kroacisë një nga festivalet e filmit më të rëndësishëm në rajon. Surpriza e këtij viti është premiera e filmit “Illyricvm”, i regjisorit Simon Bogojević Narath, bashkëprodhim i Kroacisë, Sllovenisë, Italisë, Kosovës dhe Bosnjës.

Filmi është pjesë e programit zyrtar dhe do të shfaqet ditën e martë më 21 korrik. Ngjarjet e “Illyricvm”, zhvillohen në vitin 37 para Krishtit. Një i ri Liburn Volsus merret nga një njësi romake për të ndihmuar në atë që në fillim duket një detyrë e thjeshtë, mbledhja së taksave, por takimet me fiset lokale ilire shpejt çojnë në kthesa të papritura të ngjarjeve, pasi ato tregojnë më shumë elasticitet ndaj nënshtrimit sesa duket në sy.

Filmi paraqet botën e tyre arkaike, emocionale të ligjeve dhe traditave të çuditshme dhe brutale përmes syve të këtij të riu, të konsideruar nga romakët si një barbar primitiv, dhe gradualisht kuptojmë se bota e tyre nuk është as pak e ndryshme nga e jona.

Regjisori Bogojević Narath  ka thënë më herët se ishte pasion dhe interesi i tij për historinë, arkeologjinë, gjenetikën dhe antropologjinë që e shtynë të shqyrtoj dhe reflektoj për identitetin e tij, si dhe atë të një komuniteti më të madh të cilit i përket.

“Arsyeja e këtij filmi është kurioziteti: në çfarë mase jemi ne të ndryshëm, por edhe të ngjashëm me njerëzit që kanë banuar në zonën e Ballkanit para krishterimit, dhe sa janë mekanizmat e atëhershëm emocionalë dhe socialë të ndryshëm, por edhe të ngjashëm me botën e sotme për sa i përket varfëria, okupimi, shfrytëzimi, urrejtja etnike dhe klasore dhe intoleranca”, u shpreh ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.