Ambasada shqiptare në Athinë njofton se kanë mbërritur Pasaportat dhe Kartat ID për aplikimet e kryera deri në datën 28 maj 2022.

Për tërheqjen e dokumenteve biometrikë, mund të paraqiteni pranë sporteleve të Zyrës Konsullore nga e hëna deri të enjten, nga ora 09:00 deri në orën 14:30, të premten 09:00-14:00.

Sqarohet se janë postuar të gjitha dokumentet për aplikimet e kryera deri në datën 28 maj 2022, për të cilat pranë Zyrës Konsullore është dorëzuar deklarata përkatëse.

“Aplikantët në ishujt Kretë dhe Rodos janë të lutur të dërgojnë adresën e plotë të vendbanimit (emrin dhe numrin e rrugës, qytetin, rrethin, ishullin dhe Kodin Postar), të dhënat personale (emër, mbiemër, datëlindje), si dhe të dhënat e kontaktit (numrin e celularit, e-mail) në adresën e e-mailit [email protected], për të vijuar me dërgimin e dokumenteve të tyre biometrikë nëpërmjet shërbimit postar”, thuhet në njoftimin e ambasadës  e cila sjell në vëmendje se të gjitha kartat ID të tërhequra me postë janë të pa aktivizuara elektronikisht, për rrjedhojë ato nuk mund të përdoren në shërbimin bankar në Shqipëri.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.