Shkollat e gjuhës shqipe në Zvicër, janë në prag të manifestimeve me rastin e përfundimit të vitit shkollor 2021/22. Një vit ky i suksesshëm që rezultoi me hapjen e dhjetëra pikave të reja shkollore si dhe një organizim i shkëlqyeshëm në shërbim të përhapjes së mësimit të gjuhës amtare.

“Pikat shkollore ku mësohet shqip, duken se “janë kapur dorë për dore” nga njëri skaj në skajin tjetër të Zvicrës, me të vetmin qëllim që të përfshijnë sa më shumë fëmijë në bankat shkollore për të mësuar shqip. Dhe me datën 17 qershor 2022 fillojnë aktivitetet e shkollave shqipe, njëri pas tjetrit. Së pari me krijimtarinë letrare të njërit nga shkrimtarët më të mëdhenj të letërsisë shqipe për fëmijë Bedri Dedjes” sqaron koordinatori i shkollave shqipe në Zvicër Vaxhid Sejdiu.

Aktiviteti zhvillohet në bibliotekën “Pestalozzi“ në Zürich (Bibliothek Hardau, Norastrasse 20 Zürich), nga ora 19:30 – 21:00

Me pjesëmarrjen e: Alessandro Castriota Scanderbeg (stërnip i heroit tonë kombëtar), Rita Petro – poete dhe drejtoreshë e botimeve ALBAS, Edlira Dedja, vajza e autorit, Dr. Vaxhid Sejdiu – drejtues dhe organizator i mbrëmjes, Suela Jorgaqi – drejtoreshë e Bibliotekës.

Interpretojnë nxënësit e “Shkollës Shqipe” në Zvicër.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.