Publiku i kryeqytetit do të ketë mundësi të njihet me krijimtarinë e piktorit shqiptaro amerikan Sergio Bitici, i cili me 8 Qershor çel ekspozitën personale. E kuruar nga piktori i njohur shqiptar Buron Kaceli.
Artist, Autor dhe Restaurues Sergio Bitici prej vitesh punon dhe jeton në New York. I lindur në Shqipëri, që në moshë të re ka shfaqur interes për vizatimin, pikturën dhe kaligrafinë për të cilat ishte autodidakt.
Ai studioi elektro-inxhinieri në Prishtinë, ku edhe mësoi vizatimin teknik me stilolaps.
Pasi emigroi në Shtetet e Bashkuara të Amerikës ai ndoqi CCNY, Commercial Art, të cilin e braktisi për të ndjekur biznesin e restoranteve. Ai ka studiuar vizatim dhe pikturë me bojëra uji në Ligën e Studentëve të Artit në Nju Jork, të cilën e frekuenton rregullisht për pikturuar në akuarel, modele të gjalla dhe peizazhe në “ajër të thjeshtë”, gjatë dedakdës së fundit nën drejtimin e artistit dhe instruktorit të famshëm Frederick Wong.
Bitici ka ndjekur shumë seminare të akuarelit me mësues mjeshtër të akuarelit si; Charles Reid, James McFarlane, Timothy Clark, Mel Stabin, Naomi Campbell, James Cannata (vizatim) dhe Federick Brozen.
Ai ka ekspozuar në aktivitetetet vjetore në Ligën e Studentëve të Artit të Nju Jorkut, në restorantin e tij, “Macelleria, Charles Nolan Boutique”, NYC, Ports 1961, Red Hook dhe “Open Studio”. Ai udhëton rregullisht me çantën e tij të pikturës. Përveç Neë York City dhe Upstate, ai ka pikturuar gjithashtu në Maryland, Maine, Ëashington DC, Vermont dhe Connecticut. Ndërkombëtarisht Bitici ka pikturuar në Shqipëri, Kosovë, Londër, Paris, Francë dhe Itali.
Ekspozita çelet në ora 18.00-20.00, në Restaurant Piano Bar Piazza në Tiranë (Sheshi “Harry Truman”. Rruga “Dedë Gjo Luli”, mbrapa Muzeut Historik Kombëtar).
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
