Sopranoja kosovare Elbenita Kajtazi është duke arritur suksese të njëpasnjëshme në skenat ndërkombëtare operistike. Sot në mbrëmje ajo ngjitet në skenën e Semperoper në Dresden, Gjermanisë, për të interpretuar Miminë në kryeveprën e Giacomo Puccinit “La Boheme”.

Kajtazi ka publikuar edhe një fotografi gjatë provave të fundit për këtë shfaqje, e cila në të njëjtën kohë ka falënderuar të gjithë ata që po e përkrahin

“Duke ju falemnderuar nga zemra për përkrahjen tuaj po ndaj me ju një foto nga prova e sotme e cila ishte edhe e fundit përpara shfaqjes së nesërme.

Debutimi im në rolin e Mimis do zë vend nesër në një nga teatrot më të bukur në botë Semperoper Dresden , ndjehem e privilegjuar dhe me fat dhe mezi presë të ngjitem në skenë nesër dhe të realizoj edhe një ëndërr të madhe e cila do ma përmbush shpirtin me shumë lumtuni! ka shkruar Kajtazi gjatë ditës së djeshme në rrjetet sociale.

Postimin e saj e ka shpërndare edhe sopranoja e njohur shqiptare Ermonela Jaho e cila ka mbështetur publikisht sopranon e re:

“Ëndrrat bëhen realitet. Ti do të jesh e mrekullueshme Elbenita Kajtazi. Duartrokitje për Miminë e jashtëzakonshme“ shkruan Jaho.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.