Në Bibliotekën “Oblate” në Firenze vazhdojnë seritë e takimeve të projektit “Identitete. Leximi i bashkëkohores” organizuar nga Shoqata “La Nottola di Minerva”.
Në dy javët në vijim aktiviteti do të mirëpresë autorët shqiptarë Mimoza Hysa dhe Arben Dedja.
Ditën e mërkurë më 8 qershor ora 18:00 do të jetë e ftuar Mimoza Hysa për të diskutuar me poeten shqiptare Denata Ndreca mbi romanin e saj “Vajzat e gjeneralit” (Editore Besa Muci).
Ndërsa të martën më 14 qershor ora 18:00 do të jetë i ftuar autori Arben Dedja, për të diskutuar sërish me poeten Denata Ndreca dhe Raffaele Palumbo për librin e tij “Traktat mbi mjekësinë në 19 1/2 tregime” (Whitefly Press)
Ky aktivitet synon të bashkojë shkrimtarët dhe gazetarët që vijnë nga Shqipëria dhe Italia. Arti i të shkruarit që bëhet urë mes dy trojeve për të shembur muret. Tekste që tregojnë histori kufijsh dhe bashkëjetese.
Pjesëmarrja në takime është falas dhe rezervimet rekomandohen duke kontaktuar Bibliotekën në 055 2616523 ose duke shkruar në [email protected]
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
