Tre personalitete të artit shqiptar janë vlerësuar së fundmi me çmimin ndërkombëtar “Machu Picchu” (Trashëgimia Botërore e UNESCO-s) Peru 2022. Poetja Denata Ndreca, piktori Armand Xhomo dhe muzikanti Eugjen Gargjola janë vlerësuar si personalitete në botën e kulturës, ndaj Dhoma Ndërkombëtare e Shkrimtarëve dhe Artistëve u ka akorduar vlerësim ndërkombëtarë për kontributin e tyre në kulturën botërore.
“Një nder i madh për mua që të marr çmimin prestigjioz Ndërkombëtar Machu Picchu (Trashëgimia Botërore e UNESCO-s) Peru 2022.
Dhe është një gëzim i madh të ndash të gjitha këto me dy artistë të tjerë të jashtëzakonshëm si Armand Xhomo dhe Eugjen Gargjola. Shumë faleminderit!” shkruan Ndreca në facebook.
Çmimi “Machu Picchu” (Trashëgimia Botërore e UNESCO-s) Peru 2022 është një çmim i frymëzuar nga madhështia e kulturës INCAS-e e cila është shpallur Trashëgimi Botërore nga UNESCO në vitin 1983.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.