Mbi 1 mijë aplikime e shërbime të tjera konsullore i janë ofruar qytetarëve shqiptarë që jetojnë e punojnë në ishujt Kretë dhe Rodos, për pajisjen me pasaporta dhe karta identiteti pranë vendbanimeve të tyre, gjatë javës së kaluar në kuadër të projektit “Ishujt 2022”. Një project që zbatohet prej më shumë se një viti nga Shërbimet Konsullore në MEPJ dhe që ka lehtësuar pajisjen e shtetasve tanë me dokumenta biometrikë, duke u kursyer atyre kohë dhe para, pa qenë e nevojshme të udhëtojnë në Athinë ose vendlindje.

Ambasadorja e Shqipërisë në Greqi, Luela Hajdaraga në faëbook thekson se ky project ofroi mbi 1000 shërbime, dukë i mundëusar shërbimin deri në orët e vona të mbrëmjes, çdo qytetari që u paraqit në sportelet e ambienteve provizore të siguruara

“Mbyllet me sukses projekti “𝗜𝘀𝗵𝘂𝗷𝘁 𝟮𝟬𝟮𝟮” – për pajisjen me dokumente biometrike të shtetasve shqiptarë që jetojnë në ishujt Rodos dhe Kretë. Projekti që zgjati për periudhën 23-28 maj, u realizua me pjesëmarrjen e MEPJ-së, stafit të Ambasadës, Kompanisë Aleat dhe autoriteteve të qeverisjes vendore.

Faleminderit të gjithëve për vullnetin, dëshirën dhe gatishmërinë e treguar për të garantuar këtë sukses. Realizimi i projektit do të kishte qenë i pamundur pa mbështetjen e Ministria për Evropën dhe Punët e Jashtme – Republika e Shqipërisë, veçanërisht Ministres znj. Olta Xhacka, e cila ka qenë për të dytin vit radhazi përkrahësja kryesore e këtij projekti. Nën kujdesin Shefes së Zyrës Konsullore Albana Tërnova dhe punës së palodhur të Konsullit Ardit Kurti, u ofruan mbi 1000 shërbime, iu shërbye madje deri në orët e vona të mbrëmjes, çdo qytetari që u paraqit në sportelet e ambienteve provizore të siguruara nga bashkëpunimi me Bashkinë e Rodosit dhe Kretës. Memina Buzi, Edlira Pani, Xhorxhina Ndreka, si dhe Enxhi Kondi, Serxhio Beqiraj, (specialistët e palodhur dhe energjikë të kompanisë Aleat që erdhën posaçërisht nga Tirana për t’u bërë pjesë e këtij projekti të rëndësishëm), faleminderit për performancën e lartë në punë, frymën në ekip dhe ndërveprimin midis jush si kolegë e shokë.

Gjithashtu do të dëshiroja të falënderoja dhe t’i shpreh mirënjohjen time personale çdo qytetari që mori shërbimin. Duke demonstruar qytetari, frymë komunikimi dhe bashkëpunuese me stafin e Ambasadës, ndihmuan që gjithçka të realizohej më së miri.

Nuk mund të mos vlerësoj punën e Oficeres Koordinuese për Diasporës, znj. Joneda Dodaj, e cila mundësoi realizimin e një sërë takimeve, sa miqësore aq edhe produktive, me përfaqësues të komunitetit shqiptar, një komunitet i mirë integruar, duke u bërë  kështu një komponent i rëndësishëm i jetës sociale, ekonomike dhe kulturore në shoqërinë greke.

Falënderoj, gjithashtu, të gjitha shoqatat dhe aktivistët për gatishmërine, mbështetjen dhe kontributin e tyre në fuksionimin e këtij projekti.

Shpresoj dhe jam e bindur që Ambasada do të vijojë edhe në të ardhmen me projekte të cilat ndihmojnë komunitetin shqiptar në Greqi.

Mirënjohje për të gjithë ju që ishit pjesë e këtij projekti!” shkruan ambasadorja në facebook.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.