Sot ishte një ditë e veçantë për fëmijët e nxënësit e klasave të Gjuhës Shqipe të Lidhjes së Gruas Shqiptare në Greqi ( Ένωση Αλβανιδων Γυναικών στην Ελλάδα)
Pas një pauze nga Festivali i Parë i Lojërave Popullore Shqiptare për Fëmijë që u zhvillua dy vjet me parë, i cili ndaloi për arsye të pandemisë, sot në Greqi u organizua edicioni i dytë i festivalit.
Ky Festival, që përkon edhe me Ditën Ndërkombëtare të Fëmijëve, 1 Qershorin, solli edhe një here lojra të vjetra popullore shqiptare si, Loja me 7 pafka, kërcim me litar, me këmbë në thes, Ne jemi dy shqiponja, Hodha një letër në postë etj.
Fëmijët mësuan shumë shpejt të gjitha lojrat, u argëtuan shumë, dhe në fund ju ndanë dhurata e medalje.
Me përkushtimin për mbarëvajtjen e këtij festivali, falenderojmë mësueset tona të mrekullueshme, Zonjat Enilda Ganolli Progmi dhe Jasmina Kotrri, anëtaren e Kryesisë Znj. Eleonora Murataj, dhe të gjithë pjesëmarrësit që na nderuan së bashku me fëmijët.
Nga Mirjana Hasalla.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.