E drejta e shtetasve shqiptarë me banim jashtë vendit për të votuar do të jetë sot në qendër të diskutimeve në një tryezë të përbashkët të organizuar nga KQZ dhe misioni i OSBE në Shqipëri. Në këtë konferencë kombëtare do të marrin pjesë  Z. Ilirjan Celibashi, Komisioneri Shtetëror i Zgjedhjeve, Ambasador Vincenzo Del Monaco, Kryetari i Prezencës së OSBE-së në Shqipëri, Znj. Lindita Nikolla, Kryetare e Kuvendit të Shqipëris,ë Ambasadore Yuri Kim, Ambasada e Shteteve të Bashkuara të Amerikës si dhe Z. Jean-Baptiste Le Bras, Zëvendësshef i Seksionit Politik, Delegacioni i Bashkimit  Evropian në Shqipëri. Pjesa e parë e diskutimeve do të fokusohet në  këndvështrimi dhe angazhimi i partive politike kryesore për votimin nga jashtë vendit, ku përfaqësues nga Partia Socialiste, Partia Demokratike dhe Lëvizja Socialiste për Integrim do të ndajnë propozimet e tyre. Për të diskutuar mbi angazhimin e qeverisë për të bërë të mundur votimin nga jashtë vendit,  do të jenë të pranishëm përfaqësues nga  Ministria për Evropën dhe Punët e Jashtme, Znj. Anila Smorgrav, Zëvendëskryetare e Këshillit Koordinues të Diasporës  Shqiptare si dhe Z. Vangjush Stavro, Drejtor i Përgjithshëm i Gjendjes Civile në Ministrinë e Brendshme. Gjithashtu për të folur mbi angazhimin  dhe ndihmesën e Diasporës do të jenë pjesë e konferencës Z. Bledar Milaqi, përfaqësues i Lëvizjes “Diaspora për Shqipërinë e Lirë”, Z. Enis Ulqinaku dhe Z. Jurlind Budurushi, përfaqësues të Diasporës në Zvicër,  Z. Lirim Krasniqi, përfaqësues i organizatës GERMIN.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.