Shqiptarët që jetojnë jashtë vendit tonë mund të votojnë në zgjedhjet e ardhshme parlamentare, tha kryetarja e parlamentit Lindita Nikolla, në Konferencën Kombëtare të Nivelit të Lartë me temë “Votimet nga jashtë, koha është tani”, duke vënë në dukje faktin se Shqipëria ka fluks të lartë emigrantësh, tha se e drejta e lëvizjes duhet të jetë e lidhur me të drejtën e votës.

“Çdo shetas që ka mbushur moshën 18 vjeç ka të drejtë të zgjedhë dhe të zgjidhet dhe kjo e drejtë duhet të jetë e lidhur me të drejtën e lëvizjes së lirë. Shqipëria është një ndër vendet me fluks të lartë emigrimi”.

Nëse shtetasit shqiptar me banim jashtë fitojnë të drejtën e votës sistemi politik do të ketë shumë përfitime, sipas kryetares së kuvendit.

“Do të ketë vetëm përfitime nëse niveli i votuesve do të zgjerohet. Shqipëria ndikohet nga remitancat. Ka ardhur koha që masat të vijojnë me lehtësimin për përfshirjen e tyre, ka ardhur koha që çdo shtetas shqiptar të votojë, pavarësisht se ku ndodhet ditën e votimin. Kjo gjë nuk mund të arrihet në zgjedhjet e ardhshme lokale, por mund të arrihet në zgjedhjet e ardhshme parlamentare”.

“Është proces shumë i vështirë dhe sfidues”, thotë Nikolla, por thekson se është procesi i domosdoshëm.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.