Ambasada e RSh-së në Athinë, në bashkëpunim me shoqatën ‘‘Emigranti’’ në Patra dhe artistin shqiptar (piktor dhe skulptor), z. Kristo Defrim Hasa organizoi aktivitetin ‘‘Arti, një urë lidhëse midis popujve’’.
Gjatë këtij aktiviteti u prezantuan punime nga piktorë të vegjël shqiptarë dhe grekë, nxënës të klasave të pikturës të Hasës.
Gjithashtu, në këtë aktivitet u prezantua edhe libri i shkrimtares greke, znj. Anna Kortesi, një libër i cili trajton humbjen e njerëzve të dashur në jetë dhe fuqinë e dashurisë dhe shpresës. Illustrimet e librit janë realizuar nga piktori Kristo Defrim Hasa.
Në këtë aktivitet ishin të pranishëm Ministrja Këshilltare, znj. Eliverta Radomi, Oficerja Koordinuese për Diasporën, znj. Joneda Dodaj, nxënës, artdashës dhe miq të piktorit. Gjithashtu, aktivitetin e nderoi me praninë e tij Kryetari i Grupit Parlamentar të Partisë Socialiste Pasok – Kinal, z. Michalis Katrinis.
Në krijimet e ekspozuara të fëmijëve, dominonin motivet e natyrës, kafshëve, miqësisë, dashurisë, figurave të shquara kombëtare, etj.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
