Në kuadrin e Konsortiumit mes Pushtetit Lokal dhe organizatave të Shoqërisë Civile për vullnetarizmin e qëndrueshëm në Shqipëri, PVN Albania (MOTIV- emri ynë i ri) Oltiana Rama dhe Kongresi Rinor Kombëtar, Dafina Peci në bashkëpunim me Lobin Euro Atlantik Shqiptar -dega Norvegji Daut Haxhaj dhe Batteriet Sør Ingrid Kleba – Næss, organizuan një vizitë studimore në Kristiansand, Norvegji nga datat 1 deri më 4 maj 2022.
Qëllimi i vizitës ishte njohja, kuptimi dhe reflektimi sesi Shqipëria mund të përshtatë disa nga politikat, modelet, praktikat dhe metodologjitë për krijimin e vullnetarizmit të qëndrueshëm. Për më tepër, vizita u organizua në javën e Demokracisë ku të gjitha palët e interesuara të Kristiansand u mblodhën për të diskutuar sesi një qytet mund të jetë më demokratik dhe më i aksesueshëm.
Në vizitë ishin të pranishëm përfaqësues të dy organizatave të konsortiumit: PVN/MOTIV dhe Kongresit Rinor Kombëtar; Kryetarët/Nënkryetarët dhe Drejtorët e Sektorëve të 8 Bashkive që janë pjesë e konsortiumit: Bashkia Tiranë, Bashkia Elbasan, Bashkia Korçë, Bashkia Pogradec, Bashkia Lushnjë, Bashkia Berat, Bashkia Shkodër dhe Bashkia Tropojë.
Gjatë vizitës delegacioni shqipyar pai mundësinë te shihte se si funksionon vullnetarizmi në të gjitha nivelet në vend nëpërmjet takimit me aktorët kryesorë:
Përfaqësues nga partitë politike (7 nga liderët e partive politike në Norvegji), H,AP,KRF,MDG,SP,PP); që caktojnë prioritete dhe marrin vendime, ndanë me ta përvojat e tyre.
Zv Presidentja e parlamentit në nivel kombëtar znj K.Henriksen, tregoi se si e mbështet vullnetarizmin dhe sa e përkushtuar është për të bashkëpunuar me Shqipërinë, për të lehtësuar procesin dhe për të dhënë mbështetjen e nevojshme.
Përfaqësues nga institucione të nivelit rajonal, të cilët ndanë hapa praktikë në procesin e planifikimit të vullnetarizmit strategjik dhe se si bashkëpunojnë ndërmjet institucioneve dhe organizatave të shoqërisë civile.
Kryetari i Bashkisë së Kristiansand- Nivel i pushtetit lokal, Jan Odvard Skisland, siguroi se do te kete bashkëpunim në të ardhmen dhe dha mundësinë për të hapur Javën e Demokracisë në Kristiansand me fjalën e kryetarit të Bashkisë Elbasan z.Gledjan Llatja.
Kjo vizitë ishte një përvojë e mirë për të parë se si bashkitë i zbatojnë aktivitetet vullnetare, si i caktojnë prioritetet dhe si e mbështesin shoqërinë civile. Vizita u pasua nga takime me organizatat e shoqërisë civile lokale dhe rajonale nga Norvegjia dhe ato nga Shqipëria.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
