Ka përfunduar ditën e djeshme konkursi maratonë Bibliotech Challenge 2.0.
Përgjatë tre ditëve 130 fëmijë të moshave nga 8 deri në 18 vjeç, nga shkolla të ndryshme në Tiranë, Korçë dhe Shkodër prezantuan dhe zhvilluan ide teknologjike dhe inovative.
Fëmijët të ndarë në tre grupmosha konkurruan me idetë e tyre të cilat përpiqeshin të jepini zgjidhje për problematika të ndryshme në lidhje me mjedisin, mjekësinë, sigurinë kibernetike, teknologjinë por edhe lojra të cilat ishin ideuar dhe zhvilluar nga vetë fëmijët.
Për grupmoshat 8-11 vjeç fitues u shpallën fëmijët Orlando Misha dhe Zaharia Koxhioni me idenë e tyre për krijim e një loje për bashkëmoshatarët.
Për grupmoshën 12 -15 vjecc Arbjon Jahja, Dion Kraja, Rei Qosja dhe Jon Mata me idenë e tyre për të krijuar dron multifunksional.
Dhe për grupmoshat 15-18 Endi Spahiu, Jorgit Peshtani, Kleti Metai dhe Indrit Kodra me idenë e krijimit të një appi që do ti vijë në ndihmë për të zgjedhur degën e tyre te studimit dhe karrierën e tyre.
Çfarë është konkursi Bibliotech Challenge?
BiblioTech është një konkurs kombëtar i teknologjisë për fëmijë dhe të rinj për t’i inkurajuar ata të zhvillojnë ide teknologjike dhe inovative për çështje dhe sfida që prekin ata, bashkëmoshatarët e tyre dhe komunitetin si dhe t’i përgatisë ata për vendin e punës të së ardhmes duke rritur aftësitë e tyre digjitale dhe të sigurisë në internet. Ky konkurs organizohet nga Qendra Shqiptare për një Zhvillim të Qëndrueshëm (ASDO) ëëë.asdo.al me mbështetjen e Unicef dhe Qeverisë se Mbretërisë së bashkuar në datat 6-7 dhe 8 maj në Parkun Olimpik dhe do të angazhojë fëmijë të moshave 8-18 vjeç për të zhvilluar idetë e tyre, për të gjeneruar ide të reja, për të zhvilluar dhe sjellë në jetë koncepte teknologjike dhe inovative përmes argëtimit, mësimit me metoda tërheqëse dhe interesante dhe nëpërmjet prezantimeve. Aplikantët do të marrin përvoja mbi orientimin dhe zgjidhjen e problemeve përmes një programi tre ditor të drejtuar nga mentorë, duke ndihmuar dhe inkurajuar fëmijët dhe të rinjtë të sjellin në jetë idetë e tyre.
Qëllimi i kësaj sfide është rritja dhe zgjerimi i interesit të fëmijëve dhe të rinjve për teknologjinë, inovacionin, modelimin e qendrave sociale, sipërmarrjen, të mirat digjitale dhe mbrojtjen online, ndërsa do të mësojnë nga njëri-tjetri të zgjidhin problemet në ekip.
Duke u mentoruar për projekt identë e tyre, prej disa prej ekspertëve më të mirë të fushave të teknologjisë, inovacionit dhe sipërmarrjes, fëmijët dhe të rinjtë do të dalin prej sfidës bibliotech më të përgatitur për tregun e punës dhe orientimin e tyre në karrierë.
Për më shumë informacion ose imazhe nga ky event mund të klikoni në:
- https://challenge.asdo.al ose te
- https://instagram.com/bibliotech.al/
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
