Shoqata Kulturore e Grave Shqiptare në Trentino “TEUTA” – APS, në bashkëpunim me shoqatat: “Rasom”, “Arcobaleno”, “GTT” dhe “ALAM”, duke përfituar nga një eksperiencë e madhe e grumbulluar nga projektet e mëparshme, ju futen në një rrugë të re, atë të videos për të paraqitur vendet dhe integrimin e emigrantëve në Trentino, të ardhur nga këto vende.
Trentino, një tokë në kufi, emigracioni dhe migracioni, ka treguar një ndjeshmëri të madhe në pritjen e punëtorëve dhe familjeve emigrante, ku shoqatat e tyre gjejnë një gjuhë të përbashkët me shoqatat lokale në promovimin e kulturës, bashkëjetesës sociale dhe ndërveprimit midis kulturave.
Kjo nismë audiovizive buron nga dëshira për të rritur njohuritë e ndërsjella të grupeve të ndryshme etnike që gjenden në zonë dhe promovojnë dhe përmirësojnë bashkëjetesën e tyre.
Tregojnë histori dhe kultura të vendeve të ndërlidhura me Trentinon përmes rrugëve të emigracionit, duke krijuar një seri videosh mbi komunitetet e imigrantëve që jetojnë, studiojnë dhe punojnë në Trentino, me qëllimin që të bëjmë të njohur realitetet e tyre dhe t’i zbulojmë ato për atë që janë: një burim pasurie dhe jo nje problem.
Jane 4 video nga 17′ secila që do të tregojnë për Shqipërinë dhe emigrantët shqiptarë; Tunizinë dhe emigrantët tunizianë; Meksikën dhe emigrantët meksikanë dhe Marokun e emigrantët marokenë në Trentino.
Realizimi i projektit është demonstrimi se sa e rëndësishme është të jetosh në një komunitet multietnik me diversitet kulturor dhe gjuhësor që bën të mundur dialogun, respektimin e dallimeve që pasurojnë dhe plotësojnë njëra-tjetrën, pa humbur për këtë identitetin dhe aq më pak, të mohojnë ose dëmtojne i identitetin e të tjerëve.
4 videot paraqesin secila një aspekt të ndryshëm imigrimi të grupeve etnike të përfshira në projekt:
Emigracioni shqiptar nisi nga vështirësia e jetës që krijoi në vend diktatura gjysmë shekullore. Prandaj ata u larguan për t’i dhënë vetes dhe familjeve të tyre një jetë më të mirë dhe tani përbëjnë “komunitetin me numrin më të madh të sipërmarrësve në Trentino” (Sekretari i Confcommercio). Ky është thelbi i videos për Shqipërinë dhe shqiptarët emigrantë.
– Historia e lashtë e njohjes së Trentino-s në Meksikë përmes figurës së Padre Kino dhe imigrimi meksikan për dashuri janë në qendër të videos mbi Meksikën dhe meksikanët. Por edhe për ta nuk do të mungojne vështirësite.
– Ndersa, historia e Tunizisë dhe emigrantëve tunizianë fillon nga brezi i dytë dhe më së shumti tregon histori të grave dhe një martesë të përzier.
– Historia e Marokut dhe e marokenëve në Trentino është ende e ndryshme. Emigracioni i tyre është ndër të parët në zonë dhe filloi në vitet ’70. “Një komunitet që na vuri përballe me diversitete kulturore dhe fetare, për herë të parë” (Sekretari i CGIL Trentino). Një komunitet që si të tjerët që e pasuan, u integrua pozitivisht dhe shumë shpejt u shndërrua në një burim pasurie për territorin.
Prezantimi i 2 videove të para: Shqipëria dhe Meksika do të shfaqen në Sallën e Konferencave të Pallatit Caritro, në Piazza Rosmini, Rovereto (TN) – e diel 8 maj 2022 në orën 10.30.
Hyrja vetëm me maskë ffp2. Për më shumë INFO: +39 328 4760124
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
