Pandemia ka riorganizuar edhe tregun e pasurive të patundshme. Teksa të gjithë prisnin që çmimet do të uleshin ka ndodhur e kundërta. Sipas ekspertit imobiliar Z. Gjin Gjoka në Shqipëri çmimet e apartamenteve pritet të rriten me 22% deri në fund të vitit 2022.
Megjithatë përveç rritjes së çmimeve ka dhe një faktor tjetër që duhet mbajtur parasysh.
Afati për rivlerësimin e pasurive me tatim të reduktuar në 3% ka përfunduar më 30 prill çka sipas anëtarit të Kryesisë së Dhomës së Biznesit të Diasporës Shqiptare, drejtues i “Billion G&G Group” z. Gjin Gjoka ka shkaktuar një problem. Gjoka në një intervistë për SCAN TV shpjegon se ky është një problem i rëndësishme për të gjitha zyrat real estate që ushtrojnë biznesin në Shqipëri.
“Më datën 30 prill ka mbaruar afati i amnistisë nga qeveria shqiptare, që nga 15% e taksës së shitjes mbi vlerën e pronës të kalojë në 0.3 %. Sot kjo ka shkaktuar një problem në shitje. Në Shqipëri 1 në 4 apo 5 prona i kanë pronarët jashtë vendit, ku administrimin e tyre e kanë njerëz përfaqësues ose që kanë lidhje gjaku apo edhe administratorët e pallatit. Dhe ata nuk janë në dijeni të situatës se kur fillon dhe kur mbaron ky ligj. Vetëm ne momentin kur ai hedh ne treg pronën për ta shitur kupton realitetin. Në këtë moment kemi një stopim. Ne i kemi bërë të gjitha procedurat dhe kërkesat zyrtare pranë qeverisë dhe tani shpresojmë që amnistia të shtyhet së paku deri më 30 shtator ose deri në fund të vitit.
Po ju jap një shembull. Nëse një apartament do të shitet 70 mijë euro, 45 mijë është i vlerësuar, 25 mijë euro janë ku do taksohet, pra është mbi vlerën e referencës, pra do taksohet me 15 %. Pra janë shumë shumë para. Pra është e rëndësishme që amnistia të shtyhet që tu japë mundësi njerëzve”, shpjegon Gjoka.
Duke u ndalur te situata e çmimeve të banesave në Shqipëri ai thotë se ka një rritje shumë të madhe në të gjithë territorin e Tiranës, kryesisht në zonat e Astirit, Freskut, Laprakë- Don Bosco, Casa Italia e deri të Kodra e Diellit dhe Qesarakë.
“Kjo rritje ndodh sepse ne nuk kemi një treg të qartë. Sot në Shqipëri kushdo vendos një çmim duke parë dike tjetër sa ja ka vendosur çmimin apartamentit apo shtëpisë. Por kompania jonë, dhe unë vetë si broker unë gjithmonë kam insistuar se nëse ne do vazhdojmë të vendosim çmime të larta ku nuk asnjë lloj mirekuptimi me blerësin apo me zonën, me shërbimet dhe urbanistikën që ofron zona. Banka e Shqipërisë në raportin e saj parashikon që do të ketë rreth 9% rritje, por unë parashikoj që do të ketë më shumë. Rreth 21-22% rritje të çmimit të banesave. Nuk dua të shkaktoj panik apo të nge alarme por mund të them që apartamenti më i vogël në Astir sot shkon 850 euro m2 i parikonstruktuar”.
Ka disa faktorë që kanë çuar në këtë rritje të çmimeve. Faktori i parë është inflacioni. Ne si vend importojmë pjesën më të madhe të hekurit, importojmë çimento, pllakë etj. Pra ne sado që të prodhojmë jemi të varur nga importi. Dhe rritja e çmimit të hekurit sot psh bën edhe ndryshimin.
Por a është koha e duhur për të blerë një pronë tani?
“Shqipëria është në prag të hyrjes në BE, sot niveli i turizmit është shumë i lartë ka pasuar një rritje ekonomike etj. Duke pasur parasysh të gjitha këto sot jemi në një kohë ku investimi është shumë produktiv sepse sado ndërtime të bëhen me këtë dyndje të madhe që ka me këto kërkesa për prona të dyta dhe të treta, me kërkesat komerciale të shumë kompanive që po vinë nga jashtë për të zhvilluar aktivitetin këtu ata do të kërkojnë një ambient për ta zhvilluar këtë aktivitet, do të kërkojnë një shtëpi etj” thotë ai.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
