Është mbajtur ditën e premten në ambientet e librarisë Feltrinelli në Parma, një mbrëmje letrare me protagonist fituesin e çmimit të Bashkimit Europian për letërsinë 2021 Tom Kuka për të diskutuar dhe njohur librin e tij “Ora e së Keqes” (it. “L’Ora del male”, botuar nga “Besa Muci”)
Tom Kuka, emri me të cilin shkruan Enkel Demi, gazetar dhe autor emisionesh në Shqipëri. Ora e së Keqes është libri i tij i parë i përkthyer në Itali, i cili u prit me vlerësimin e kritikës dhe një audiencë të madhe lexuesish. Është një histori që tregon për dashurinë, nisur nga një episod hakmarrjeje: Kuka tregon për mitet, legjendat dhe pasionin e një kohe të shkuar. Nëpërmjet Shqipërisë së djeshme ai dëshiron të japë një përfaqësim të fortë dhe realist të Shqipërisë së sotme.
Aktiviteti u organizua nga Shoqata Skënderbeu, në bashkëpunim me shtëpinë botuese Besa Muci. Të pranishëm në panel diskutimi me autorin ishin edhe Chiara Cacciani, gazetare e Gazzetta di Parma dhe Gentian Alimadhi i Shoqatës Skënderbeu.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.