Numri i shtetasve të huaj që kanë hyrë në territorin shqiptar gjatë tre muajve të parë të këtij viti llogaritet 671.210.

Të dhënat e publikuara sot nga INSTAT-i, në vendin tonë hynë 157.366 qytetarë, ose 30 % më shumë se e njëjta periudhë e 2021-shit.

Sipas INSTAT, nga vendet që kanë hyrjet më të larta të shtetasve në Shqipëri, Greqia ka pasur rritjen më të madhe me 5 herë, ndërsa Kosova ka pasur rënien më të ndjeshme me 9,5 %, krahasuar me të njëjtën periudhë të vitit 2021.

Referuar të dhënave të publikuara nga INSTAT-i, gjatë tremujorit të parë të këtij viti kanë hyrë në vendin tonë për pushime dhe vizita te të afërmit 620.652 shtetas ose 33% më shumë se të njëjtën periudhë të vitit 2021. Ndërsa për qëllime biznesi dhe qëllime profesionale 24 mijë qytetarë.

Ndërkohë, numri i shtetasve shqiptarë të dalë nga territori i Shqipërisë gjatë tre muajve të parë të vitit 2022, është 1.053.690, duke u rritur 39,3 %, krahasuar me të njëjtën periudhë të një viti më parë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.